ستار شباب
مرحبا Smile بك زائرنا الكريم . :-* لا يوجد في منتدنا اي موضوع مخفي + لن نقول لك سجل لترى المواضيع لكن ان اردت الانضمام الاسرتنا المتواضعة نرحب بك بيننا بكل فرح
Wink(A)

نهار مشيت نحط الفلوس ف البنكة الملايير العريضة

استعرض الموضوع السابق استعرض الموضوع التالي اذهب الى الأسفل

default نهار مشيت نحط الفلوس ف البنكة الملايير العريضة

مُساهمة من طرف hamza في الأربعاء مايو 12, 2010 10:22 pm

انا نحكي ليكم قصتي في البنكة و نتوما قولوا الله اعلم

و هداك الاسبوع ضربت واحد البريكول(خدمة) و الحمد لله صورت منوا شي فليسات و دريهمات و دخلت لدارنا فرحان و ناشط اول مرة غادي نجمع هاذ القدر
و منكدبش عليكم السيمانة كلها و انا تنفكر اش غادي ندير بهاد الفلوس؟؟؟؟ كل ليلة تنحسبهم واش نقصوا و لا لا و كل ليلة تنتصور اش غادي ندير بيهم المهم واحد الليلة فكرة مزيان و قلت في خاطري الزمان صعيب ابرطال نود جمع راسك و متبقاش تخسر في الفلوس غير الريال لشديتيه سير شري بيه تعبئة ديال 20 درهم على قِبال المُعجبات العريضة او الساطات و لِشاط كنت تنشري بيه الببوش(الحلزون) اه راه عزيز عليا البوبوش و خاصتا ديال با سعيد مول الكروسة لفي راس الدرب حيتاش تي قوي ليا البلول و المساخن هههههه
المهم قلت هاد الفلوس خاصني نخزنها متعرف شي نهار نمرض و لا نبغي نتزوج هههه بعدَ نلقى شي حاجة باش نكون و هي تطيح الفكرة انني غدا نمشي نحطهم في البنكة صافي نعست نومة اهل الكهف و مع 8 فقت و معول غادي البنكة و بيني و بينكم القضية صعيبة انك تحمل معاك الفلوس و الشفارة الله يحفظ و الحظاية موجودين واخة دير الفلوس في تقشيرة خانزة يشموهم و خفت على رزقي وقلت من الاحسن نشد طاكسي احمر من الباب ديال دارنا تال البنكة صافي شديت طاكسي وصلني للبنكة صافي دخلت مشيت عند واحد الانسة و انا نقوليها ببيجوووور ما دمزيل و هي تجاوبني بونججور مسمن هههههه(اح القضية فيها البغرير و الحرشة زاهية عندهم في البنكة) بيان فوني اش حب الخاطر اسيدي و انا نقوليها بغيت نحط عندكم شي بركة و هي تقوليا داكور ميكون غير الباكور اسيدي حنا رهن الاشارة و هي تقوليا اش تشرب قلتليها لا راه يلاه فطرت بواحد الزلافة ديال البيصارة لكن قالت ليا والو انت كليان جديد خاصك تشرب المهم و انا نقوليها جيبي ليا زلافة ديال كابيتشينووو و ديري فيها درهم ديال الحرور وعصري فيها حامضة و شوية الكامون عرفتوها تانا معرفتهاش






شوية و هو يتحل الباب ديال المدير و هو يجي عندي و سلم عليا و بدا تفضل اسيدي عطيوه كرسي مرحبا بيك و نهار جميل هذا اش حب الخاطر و بيني و بينكم فرحت و حسيت انني رجل مجتمع و فتخرت بنفسي المدير قاليا برك صافي بركت و هو برك من بعدي و دخلنا لصلب الموضوع قبل ما يولي سائل هههههههه قاليا دونك باغي تفتح كونط عندنا بشي باركة قلت ليه اه اسيدي قاليا يا بسم الله و بدا تيقرا عليا الشروط و شي وراق ساعة هو تيقرا مسكين فركع ليا ودني
المهم ملي سالا قاليا بشحال عندك اولدي و انا نجوبوا هي في الحقيقة كنت جايب الفلوس كلها و لكن خفت من الشفارة و انا نشد طاكسي احمر بالف ريال قاليا مزيان و بشحال بقات قلتليه 10 الاف ريال ...ريال ينطح ريال ههههههههههههههههههههههههههههههههههههههههههه
و هو يتسيف عليا و حيد التجكيطة و الكرافاطة و بان ليك المدير تيحمار و يصفار و قالية سير لمُك 10 الاف يالاه تصوبيها الوراق و التانبر و لكارط كيشي ديال الكونط هههههههههههههههههههه
و خرجت كاعي من البنكة و لكن مبغيتش نرجع دوك الفلوس للدار حلفت عليهم ميرجعوا تحت الجليجة لي في الكوزينة تحت الثلاجة ههههههههههههههههه يبقى بيناتنا هاذ السر الكبير





قلت دابة راني حدى القريعة هادي هي الفرصة نمشي نشري شي سروال ديال الدجين صافي دخلت للقريعة و بديت تندور و نقلب على المعقول و الفلوس ديما في التقاشر ههههههههه 5الاف على اليمين و 5 على اليسار و بانليا غير الاغلى اوااااااااه و سروال تيعمل 400 الدرهم مع دابة الدريات دخلوا للمنافسة غادي يوصل تال 14 الف من هنا للصيف
و باقي نعقل كان السروال المخير غير ب16 مية دريال ولتويتي معاه يخليه ليك غير ب 900 مية دريال. المهم في الاخير لقيت واحد السيد تيبيع الدجين لا غلى على مسكين ب150 درهم مشيت عندوا قلتليه و صاوب الثمن و ميكون غير الخير

صافي خلاه ليا ب 120 درهم و معاه سمطة ههههههه دنا غلبانولكن ماد اِين شينا جبتوا للدار قيستوا طلع مزيان و لكن كان زرق بزاف و انا تنتبع الموضة و هاد الايام الدجين خاصوا يكون مبرقع طلعت للسطح و خشيتوا في بانيوا عامر بالماء و كبيت عليه شوية جافيل و خليتوا ساعة ملي جيت بغيت نكرموا و نشروا هزيتوا لقيتوا ولى كرسون
ولاد اللذينَ تقول مخيطينوا بالخيوط ديال سباكيتي الله يحفظ ههههههههههههه
و طلعت لا فلوس لا سبعة حمار
la flous la sta 7amas
ni argent ni six pois-chiche
avatar
hamza
المدير العام
المدير العام

عدد المساهمات : 182
تقييم : 562
تاريخ التسجيل : 19/12/2009
العمر : 27
الموقع : www.starchabab.ahlamontada.com

http://starchabab.ahlamontada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى